夏天食粥養脾胃止肚瀉　5大粥料必食推介

天氣熱辣辣想消暑，梗係食瓜果啦，叫人食粥！傻的嗎？但假如你常有「食完就瀉」的腸胃問題，原來天氣再熱都應食粥，因盛夏暑濕出汗多，食粥既溫胃健脾，亦可補充水份，在消暑防腸胃病角度，中醫話應該食。

食粥養脾胃止肚瀉

國際藥膳食療學會會長、註冊中醫師侯平表示，煮粥的白米，性平、味甘、入脾胃，有溫胃健脾作用。

所以有胃寒表現經常「腸胃唔多妥」，尤其適合在夏天吃溫熱暖粥調養脾胃，加上吃粥補充水份，有助消暑，可免天熱出汗過多引致營養缺失。

食粥養胃消暑的習慣，侯醫師指可一直維持到9月底。假如你想吃得精明，粥料更可配搭有健脾、清熱、生津、利濕、除煩、止瀉等消暑食療作用的中藥材，實行寓吃粥於養生，幫自己養好脾胃。

5大食材煲粥消暑

1︰熟薏米

食療作用︰熟薏米味甘淡，性少涼偏微溫。食用有清熱、利濕、健脾及補肺作用，部分研究指具抗癌療效。

▲ 熟薏米煲粥建議分量60克。

2︰淮山

食療作用︰淮山性平，味甘。食用可補脾肺腎，益氣養陰。

▲ 乾品淮山煲粥建議分量30克，用鮮淮山則60克。

3︰百合

食療作用︰百合性平，味甘微苦。食用有潤肺止咳、清心安神及補中益氣作用。

▲ 百合煲粥建議分量30克。

4︰蓮子

食療作用︰蓮子性平，味甘澀。食用有止瀉、益心、安神及補腎固精作用。

▲ 蓮子煲粥建議份量30克。

5︰葛根

食療作用︰葛根即粉葛的乾品，性涼，味甘辛。食用有止瀉、生津、清熱除煩及解肌退熱的作用。

▲ 以單味葛根煲粥建議用量30克，新鮮粉葛則60克。

【其他熱話】下肢水腫＝暑濕？中醫推介消暑食療【有片】

【其他熱話】立秋抗病食療　多食薯仔和甘蔗

【其他熱話】菲比斯奪金靠拔罐？中醫師：可舒緩痛症